今日澳職免費直播，布里斯班獅吼主場迎戰奧克蘭FC。獅吼係澳職下游球隊，相反奧克蘭係上季季後賽總冠軍，而且雙方近4次聯賽交手，奧克蘭FC取得3勝1和優勢，擺明格食格，平手盤捧客隊抵玩。（無綫82周五下午5時直播）文:邪神
獅吼近兩季常規賽都排尾2，今季新簽入年屆35歲嘅南韓中場南泰熙，實力有所提升，上仗憑該位韓援同射手祖斯甸維迪各建一功，贏珀斯光輝2比1，不過今場對住爭標分子奧克蘭，隨時打回原形。
奧克蘭FC加入澳職短短兩年，首季贏常規賽冠軍，上季季後賽登上總冠軍寶座，陣中大部分主力都係新西蘭國腳，仲有前日本國腳酒井宏樹助陣，卡士可謂贏晒，留意到雙方近4次聯賽交手，奧克蘭FC贏3次，而且3場比數都係2比0，呢個波膽不妨一試。
泰甲捧拉查布里Ｗ
晚飯時間有場泰甲免費直播，四色菊聯對拉查布里。四色菊聯今季新升班，仲有排交學費，拉查布里近幾年都係前4分子，今年初喺盃賽碰頭，拉查布里作客贏3比1，有2倍嘅客勝好路。（HOY 76周五晚8時直播）
